Нигерия регулятори шахсий маълумотлардан фойдаланиш қоидаларини бузгани учун Американинг Меtа Platforms Ins компаниясини (собиқ Facebook) жаримага тортди. Бу ҳақда Deutsche Welle хабар берди.
Нигерия Рақобат ва истеъмолчилар ҳуқуқларини ҳимоя қилиш федерал комиссияси (FCCRC) Меtа’ни камситиш амалиётида, бозорда устун мавқени суиистеъмол қилишда, нигерияликларнинг шахсий маълумотларини рухсатсиз узатишда ва нигерияликларга уларнинг маълумотларидан қандай фойдаланишни аниқлаш ҳуқуқини бермаганликда айблади.
Комиссия 2021 йил май ойидан кейин бошланган 38 ойлик терговда “аҳамиятли далиллар” борлигини маълум қилди. FCCRC бош ижрочи директори Адам Абдуллаҳи технологик гигант “амалдаги қонунчиликка риоя этишни, нигериялик истеъмолчиларни эксплуатация қилишни ва бозордаги суиистеъмолчиликларни тўхтатиши” кераклигини айтди. Комиссия компанияга “келгусида миллий стандартларга мос келмайдиган бундай ёки бошқа хатти-ҳаракатлардан/амалиётлардан тийилишни” буюрди.
FCCRC, шунингдек, Меtа терговдан хабардор эканини маълум қилди. Бунга жавобан компания “вазиятни тўғирлаш бўйича чора-тадбирлар тўпламини” таклиф қилди, аммо бу дастлабки хавотирларни бартараф этмади.
Эслатиб ўтамиз, Африканинг энг кўп аҳолиси бўлган Нигерияда жами 200 миллион аҳолидан 164 миллионга яқин интернет обуначиси бор.
Нигерияликларнинг тўртдан уч қисми 24 ёшгача бўлган ва уларнинг кўпчилиги ижтимоий тармоқларда “улғайган”. WhatsApp, Facebook ва Instagram Нигериядаги энг машҳур ижтимоий медиа платформаларидан бири ҳисобланади.
Изоҳ (0)