АҚШнинг собиқ президенти Дональд Трамп Украина президенти Владимир Зеленский билан телефон орқали мулоқот қилгани ҳақида хабар берди. Бу ҳақда у Truth ижтимоий тармоғида ёзган.
“Америка Қўшма Штатларининг навбатдаги президенти сифатида мен дунёда тинчлик ўрнатаман ва кўплаб одамларнинг ҳаётига зомин бўлган ва сон-саноқсиз бегуноҳ оилаларни вайрон қилган урушга барҳам бераман. Ҳар икки томон йиғилиб, зўравонликка чек қўядиган ва тинчликка йўл очадиган келишувни музокара қилиши мумкин”, деди Трамп.
Трамп бу йилги президентлик сайловларида ғалаба қозонса, Украина можаросини тезда ҳал этиш ниятида эканини бир неча бор таъкидлаган. 27 июнь куни АҚШ президенти Жо Байден билан бўлиб ўтган сайловолди дебатида Трамп агар қайта сайланса, 2025 йил 20 январда лавозимга киришгунга қадар можарога барҳам беришни ваъда қилганди.
Изоҳ (0)