Европа ва НАТО Украинадаги уруш 10 йилга чўзилишига тайёр бўлиши керак. Бу ҳақда НАТО бош котиби Йенс Столтенберг маълум қилди.
Унинг фикрича, Ғарб иттифоқчилари узоқ урушга тайёр эканликларини қанчалик ишончли тарзда намойиш қилсалар, уруш шунчалик тез якунланади.
Биз узоқ вақт давомида Киевга ёрдам беришга содиқ эканлигимизни аниқ кўрсацак, Украина суверен мустақил давлат сифатида ғалаба қозонадиган можарони ҳал қилиши учун шароит яратамиз, дейди НАТО бош котиби.
BBC’га берган интервьюсида Столтенберг НАТОнинг Европа давлатларини Украинага ёрдамларни кўпайтиришга чақирган. Европаликлар ва Киев Дональд Трамп АҚШда ҳокимиятга қайтса, Украинага бериладиган ёрдамни қисқартириши ёки бутунлай тўхтатиб қўйиши мумкинлигидан хавотир билдирган.
Аввалроқ НАТО сентябрь ойидан бошлаб альянснинг Германияда жойлашган махсус бўлинмаси Украинага ёрдам кўрсатишни мувофиқлаштириши ҳақида хабар берган эди.
Бу ёрдамнинг аввалгидан кўра кўпроқ бўлишини таъминлайди ҳамда Украинани қўллаб-қувватлашда содиқлигимизни кўрсатади, деб ишонтирган Столтенберг.
Шунга қарамай, Германия Украинага келаси йилда ҳарбий ёрдамни икки бараварга – ҳозирги 8 миллиард евродан 4 миллиардга қисқартириш ниятида эканини маълум қилганди.
Изоҳ (0)