“Вест Ҳэм” клуби Нголо Кантени “Ал-Иттиҳод”дан 20 миллион фунтга сотиб олиш ниятида.
Франция терма жамоасининг 33 ёшли ярим ҳимоячиси Нголо Канте Саудия Арабистонида бир мавсум ўйнаганди. Бунгача у “Челси”да тўп сурган.
The Guardian нашрининг ёзишича, томонлар ўртасида музокаралар олиб борилмоқда.
Кантенинг ўзи ҳозирги жамоасида ўйнашдан хурсандлигини ва айни дақиқаларда у Лондонга қайтишга тайёр эканини билдирган.
Қайд этилишича, “Вест Ҳэм”нинг янги бош мураббийи Хулен Лопетеги “Реал”да ишлаган вақтида ҳам франциялик футболчи билан ҳамкорлик қилиш ният борлигини айтган. Шунинг учун ҳам уни янги жамоасига таклиф қилиш ниятида.
Канте Франция терма жамоаси сафида Евро-2024 мусобақасини муваффақиятли ўтказди ва жамоасининг энг асосий ўйинчиларидан бирига айланди.
Ўтган мавсумда “Ал-Иттиҳод” жамоасида 30 ўйин ўтказган футболчи 2 марта рақиблар дарвозасига тўп киритди.
- Канте 2015 йилда “Лестер”га кўчиб ўтганидан сўнг Англияда саккиз йил ўйнади.
- У 2016 йилда Премьер Лигада ғалаба қозониб, дунёни ларзага келтирган “тулкилар” жамоасининг муҳим аъзоси бўлди.
- “Челси” клуби билан Чемпионлар Лигаси, Англия Кубоги ва Европа Лигасида ғолиб чиқди.
- У 2016—2017 йилги мавсумда Премьер Лига томонидан йилнинг энг яхши футболчиси деб топилди.
Изоҳ (0)