Германия Путиннинг Украинага нисбатан тактикасидан хавотирда

Россия президенти Владимир Путиннинг Украина энергетика инфратузилмасига ҳужум қилиш тактикаси ўз самарасини бермоқда. Бу ҳақда Berliner Zeitung (BZ) нашри хабар берди.

Нашр мамлакат оғир аҳволда эканини қўшимча қилган.

Қишда вазият кескинлашади ва бу вақт ичида Украина зарарни бартараф этишга улгурмайди. Таъмирлаш ишлари фақат зарурат туғилганда амалга оширилади. Бу шунчаки эҳтиёт қисмларнинг етишмаслиги ва баъзи ҳолларда тузатиб бўлмайдиган шикастланишлар эмас, балки Россия объектга яна ҳужум қилиши ҳамда уни йўқ қилишини тушунишдадир, дейилади хабарда.

Шунингдек, нашрнинг таъкидлашича, ҳозирда баъзи энергетика объектлари, масалан, Запорожье атом электр станцияси Россия ҳудудларида жойлашган. Каховка ГЭС эса жанглар пайтида шикастланган.

Украина қулаш арафасида. Деярли бутун мамлакат бўйлаб электр энергияси кунига атиги 4-6 соат давомида мавжуд, дея қўшимча қилган нашр.

Немис нашрига кўра, Ғарбнинг Киевга ёрдами етарли эмаслиги сабабли Украина Москва шартлари асосида тинчликни қабул қилишга мажбур бўлиши мумкин.

Россия армияси Украина Қуролли кучлари шахсий таркиби, техникаси ва чет эллик ёлланма аскарлар жойлашган ҳудудларга, шунингдек инфратузилма объектларига, хусусан, энергетика, мудофаа саноати, ҳарбий маъмурият ва Украина коммуникацияларига зарба бермоқда.

Россия президентининг матбуот котиби Дмитрий Песков армия турар жой бинолари ва ижтимоий муассасаларга ҳужум қилмаслигини бир неча бор таъкидлаган эди.