Фарғона вилоятида табиий газ тармоқларига ноқонуний уланиш ҳолатлари фош этилди, деб хабар беради Бош прокуратура ҳузуридаги департамент.
Қайд этилишича, дпартаментнинг Данғара туман бўлими томонидан терговга қадар текширув ўтказилган. Текширувда фуқаролар Н.Ж. ва А.К. умумий овқатланиш шохобчасини ташкил этиб, беш дона газ плита ва бошқа ускуналарни газ тармоғига ўзбошимчалик билан улаб, 110,5 миллион сўмлик табиий газдан ноқонуний фойдалангани аниқланган.
Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
Авалроқ Андижон шаҳрида алюмин маҳсулотини қайта ишлаб чиқариш цехи 6,7 миллиард сўмлик табиий газдан ноқонуний фойдалангани аниқланган эди. Шунингдек, Фарғона вилоятида сув насоси станцияси ва битта газ заправка 3 миллиард сўмдан зиёд энергия ресурсларидан ноқонуний фойдалангани маълум бўлганди.
Изоҳ (0)