Наманган вилоятининг Мингбулоқ тумани ҳокими Нуршод Худойбердиев 18 июль куни бўлиб ўтган йиғилишда туман фаоллари билан хайрлашди. Бу ҳақда “Дарё” мухбири Азизбек Абдувалиев хабар бермоқда.
“Туманга келиб жуда кўп нарса ўргандим, яхши инсонлар билан ишлаш насиб этди. Навқирон даврим шу ерда ўтди. Бақир-чақир қилган пайтларим бўлгандир, лекин ҳеч кимга ёмонлик қилмадим. Мингбулоқдан кетиш мен учун оғир, жуда оғир”, деган собиқ туман ҳокими.
Маълумот учун, Нуршод Худойбердиев 2019 йил март ойидан 2024 йил июлигача — 5 йил давомида Мингбулоқ туманига ҳокимлик қилди. У президент Шавкат Мирзиёев раислигида 17 июль куни ўтказилган видеоселектор йиғилишида фаолиятида тизимли камчиликларга йўл қўйганлиги сабабли лавозимидан озод этилган 10 нафар ҳокимдан бири бўлди.
Изоҳ (0)