Бухоро вилоятининг Жондор туманида1 туп дарахт кесган фуқарога 100 туп манзарали дарахт экиш мажбурияти юклатилди.
-4Y6sFs6K.jpg)
Вилоят Экология бошқармаси матбуот хизматининг хабар қилишича, фуқаро Ж.Ш. ўзи яшайдиган маҳалла ҳудудидан 1 туп манзарали дарахтни қуриган деб, ўзбошимчалик билан кесиб ташлаган. Ушбу ҳолат юзасидан дарахтни кесган фуқаронинг маҳалладошлари Жондор туман инспекцияси инспекторларига қўнғироқ қилиб, мурожаат қолдирган.
Мурожаатни олган туман инспекторлари айтилган манзилга бориб, қуриган деб кесилган дарахтни махсус ўлчовчи асбоб (влагамер) ёрдамида ўлчаганда дарахт қуримагани аниқланган.
Ҳуқуқбузар фуқарога нисбатан Маъмурий жавобгарлик тўғрисидаги кодекснинг 79-моддаси 1-қисми билан 9 миллион 180 минг сўм жарима ҳамда табиатга етказилган зарар ҳисобланди.
Шунингдек, 1 туп дарахт ўрнига куз мавсумида 100 туп манзарали дарахт кўчатларини экиш ҳамда 3 йил парвариш қилиш бўйича кафолат хати олинди.
Изоҳ (0)