Аргентина президенти Хавьер Милей Аргентина терма жамоаси сардори Лионель Мессини Франция терма жамоасига қаратилган ирқчиликка қарши қўшиқлар учун кечирим сўрашга чақирган Аргентина спорт вазири ўринбосари Хулио Гаррони ишдан бўшатди.
“Президент девони маълум қиладики, ҳеч бир ҳукумат аъзоси Аргентина терма жамоаси, жаҳон чемпиони ва икки карра Америка чемпиони ёки бошқа ҳар қандай фуқарога нимани изоҳлаш, нимани ўйлаш ёки нима қилиш кераклигини ўргатишга ҳақи йўқ. Шу сабабдан Хулио Гарро Аргентина спорт вазири ўринбосари лавозимидан кетади”, дейилади Х ижтимоий тармоғидаги (собиқ Twitter) расмий баёнотда.
Ҳақоратомуз қўшиқ Аргентина терма жамоаси футболчилари томонидан Колумбия билан 2024 йилги Америка Кубоги финалида (1:0) ғалаба қозонганидан сўнг ижро этилди. Аргентиналик футболчи Enzo Фернандес кубокни қўлга киритганини нишонлар экан, ижтимоий тармоқда жонли эфирни бошлади ва унинг жамоадошлари: “Улар Франция терма жамоасида ўйнайди, лекин барчаси Анголадан” деб ирқий камситувчи қўшиқни куйлади.
Изоҳ (0)