Шавкат Мирзиёев раислигида ўтаётган видеоселектор йиғилишида пахта-тўқимачилик кластерларининг молиявий барқарорлиги билан боғлиқ масалалар кўриб чиқилди. Бу ҳақда президент матбуот котиби хабар берди.
Уларга берилган имтиёзли кредит муддати 2025 йил 1 апрелгача узайтирилиши белгиланди. Ўтган йили пахта етиштириш учун олинган кредитни муддатида тўлиқ қайтарган кластерларга имтиёзли кредитнинг 8 фоизи қайтарилади.
Бу йил пахта хариди учун имтиёзли кредит кластерларнинг ип-йигирув корхоналарига берилади. Кластерлар сотиб олинган пахта тозалаш заводи қийматининг камида 35 фоизини тўласа, бу мулкни гаровга қўйишга рухсат берилади.
Мутасаддиларга чуқур таҳлил қилиб, иқтисодий самарасиз, молиявий мажбурияти юқори бўлган кластерлар мақомини қайта кўриб чиқиш зарурлиги кўрсатиб ўтилди.
Эслатиб ўтамиз, апрель ойида кластерларни қўллаб-қувватлашнинг янги механизмлари ишлаб чиқилиши тўғрисида хабар берилганди. Ўшанда айрим кластерларга эса бир оз кўмак берилса, унумдорлик ва экспорт янада ошиши айтилган эди.
Изоҳ (0)