Туркияда ўтказилган халқаро фолклор халқ рақс фестивалида Ўзбекистон 1-ўринни қўлга киритди

Туркияда 23 давлатдан 720 нафар санъаткор иштирокида ўтказилган “Олтин қоракўз” халқ рақслари танловида Ўзбекистон жамоаси ғолиб бўлди.

“Олтин қоракўз” 36-халқаро фолклор халқ рақс фестивали 7—12 июль кунлари Туркиянинг Бурса шаҳрида ўтказилганди. Унда дунёнинг 20 дан ортиқ давлатлари қаторида Ўзбекистон давлат филармониясининг “Навбаҳор”  рақс ансамбли ҳамда “Бек” доирачилар ансамбли иштирок этди. 

6 кун давом этган танловда:

• 1-ўрин Ўзбекистон делегациясига;
• 2-ўрин Туркманистон делегациясига;
• 3-ўрин Болгария делегациясига насиб этди.

“Олтин қоракўз” фестивали 62 маротаба ўтказилган бўлиб, 36 йилдан буён конкурс сифатида ташкил этиб келинмоқда.  Фестивалнинг 62 йиллик тарихида Ўзбекистон илк бор 1-ўринни эгаллади.