Тошкент шаҳар Миробод туманида заранг дарахтига шикаст етказган экскаватор ҳайдовчиси 28 миллион сўм тўлайдиган бўлди. Бу ҳақда туман ҳокимлиги ахборот хизмати хабар берди.
Унга кўра, Авлиё ота кўчаси 124-уй олдида қурилиш ишлари давомида ҳудуддаги тупроқларни олиб чиқиш вақтида экскаватор ҳайдовчиси Б.Б.нинг эҳтиётсизлиги оқибатида бир туп заранг дарахтига шикаст етказилган.
Шикастланган дарахт авария ҳолатига келиб қолган ва ҳайдовчи дарахтни қўпорган.
Ушбу ҳолат юзасидан ҳуқуқбузар Б.Б.га нисбатан Маъмурий жавобгарлик тўғрисидаги кодекснинг 79-моддаси 1-қисми билан 28 миллион 390 минг сўм жарима қўлланди.
Изоҳ (0)