Ўзбекистонда ҳафта давомида қандай об-ҳаво бўлиши маълум қилинди

“Ўзгидромет” 15—19 июль кунларига об-ҳаво прогнозини эълон қилди.

Унга кўра, душанба ва сешанба кунлари Ўзбекистон ҳудуди бўйича ҳаво бир оз булутли, баъзи жойларда ўзгарувчан бўлади, ёғингарчилик кутилмайди, фақат Тошкент вилояти ва Фарғона водийси вилоятларида, шунингдек, бугун кундузи Хоразм, Навоий вилоятларининг айрим жойларида қисқа муддатли ёмғир ёғиши, момақалдироқ бўлиши мумкин.

Ҳаво ҳарорати 32-35 даража атрофида, жанубда ва чўл ҳудудларда 36-39 даражагача бўлади.

Сўнгра иш ҳафтасининг охиригача Ўзбекистон ҳудуди бўйича ёғингарчиликсиз об-ҳаво бўлиши кутилмоқда. Фақат республиканинг айрим тоғолди ҳудудларида қисқа муддатли ёмғир ёғиши мумкин.

Ҳаво ҳарорати фақат 2-3 даражага кўтарилади ва 34-37 даража атрофида, жанубда ва чўл ҳудудларда 38-40 даражагача бўлади.

Шамол 7-12 метр/секунд тезликда эсади, баъзи жойларда 13-18 метр/секундгача кучаяди, 15—16 июлда айрим жойларда 18-23 метр/секундгача кучайиши, чанг-тўзон билан кузатилиши мумкин.

Тошкентда душанба ва сешанба кунлари асосан ёғингарчиликсиз об-ҳаво бўлиши кутилмоқда, фақат 15 июлдан 16 июлга ўтар кечаси ва 16 июлда эрталаб шаҳар бўйича баъзи жойларда қисқа муддатли ёмғир ёғиши, момақалдироқ бўлиши мумкин. 17—19 июлда ёғингарчилик кутилмайди.

Ҳарорат 15—16 июлда 32-35 даража, 17—19 июлда 35-37 даража бўлади.