“Эл-юрт умиди” жамғармаси стипендиати, Халқаро энергетика ҳуқуқи бўйича Буюк Британиянинг Ливерпуль университетида докторантура дастури бўйича таълим олаётган Ихтиёр Кўзиевнинг фарзандлари Англиянинг Ноттингем шаҳрида ўтказилган “Ёшлар бўйича шахмат мусобақаси” финалида муносиб иштирок этди. Бу ҳақда жамғарма матбуот хизмати хабар берди.
Маълум қилинишича, мусобақа якунлари бўйича Ихтиёр Кўзиевнинг қизи Нодирабегим Бахтиёрова 16 ёшгача бўлган қизлар бўйича Англия чемпионлигини қўлга киритди.
Стипендиатнинг ўғли Комронбек Бахтиёров эса 14 ёшгача бўлган ўсмирлар орасида 4-ўринни эгаллади.
Маълумот учун, шахмат бўйича Англия чемпионатида илк маротаба Ўзбекистон байроғи остида ўзбекистонлик ёш шахматчилар иштирок этди.
Assalomу алайкум, азиз юртдошлар! Бугунги кунда президентимиз Шавкат Мирзиёев томонидан вазирлик ва идораларнинг иқтидорли ходимларининг хорижда таълим олишлари учун етарли шароит ва имкониятлар яратиб берилган бўлиб, мазкур вазифаларни молиялаштириш мақсадида “Эл-юрт умиди” жамғармаси ташкил этилган. Таъкидлаш лозимки, хорижий давлатларнинг етакчи таълим муассасаларига ўқишга юборилган талабалар юртимиз номини муносиб тарғиб қилишмоқда ва ҳар бир соҳада ўз иқтидорларини муносиб намойиш қилишмоқда. Ҳатто фарзандларимиз ҳам юртимиз байроғини баланд тутиб келишмоқда. Юртбошимиз, халқимиз ҳамда “Эл-юрт умиди” жамғармаси раҳбарияти томонидан бизга яратиб берилаётган имкониятлардан фарзандларимиз ҳам унумли фойдаланишмоқда.
Насиб бўлса, ҳали олдимизда улкан режалар бор. Дунёнинг етакчи университетида илмий иш қилишимда зарур шароитларни яратиб бергани учун давлатимиз раҳбари ҳамда “Эл-юрт умиди” жамғармаси раҳбариятига ўз миннатдорчилигимни билдираман. Иқтидорли ёшларнинг орзуларини амалга ошираётган “Эл-юрт умиди” жамғармаси стипендиати эканлигимдан фахрланаман. Барчангизга раҳмат!, дейди “Эл-юрт умиди” жамғармаси стипендиати Ихтиёр Кўзиев.
Изоҳ (0)