30 йилда илк бор тоққа кетаётганлар, чек сўраган лўлилар, биргаликда футбол кўраётган маҳалладошлар: ижтимоий тармоқларда нима гап?

“Тармоқда нима гап?” лойиҳаси доирасида “Дарё” қизиқарли постларни бир жойга жамлаб боришда давом этади.

Қуйида 15 июлда эълон қилинган баъзи постларни эътиборингизга ҳавола қиламиз. 

Бора-бора нақд пулдан фойдаланиш камаяётгани ортидан лўлилар ҳам бунинг йўлини топибди. Энди уларга ёнимда бир тийин ҳам йўқ, дея жавоб қайтара олмайсиз, картадан ўтказиб берсангиз ҳам бўлади, деган жавобни олишингиз аниқ. Мазкур фойдаланувчининг ёзишича, токи чекни кўрсатмагунича улар ёнидан кетмаган.

Telegram асосчиси Павел Дуров Қозоғистонга ташрифи ҳақидаги таассуротларини мухлислари билан бўлишган эди. Дуровнинг таъкидлашича, 20 миллион қозоғистонликнинг 12,5 миллиони ҳозирда Telegram’дан фойдаланмоқда. Бу ўтган йилга нисбатан 25 фоизга кўпдир. Дуров Қозоғистонга ташрифидан сўнг қозоқча стиллда кўриниш берди. 

АҚШ собиқ президенти Дональд Трамп 14 июль куни Пенсилваниянинг Батлер шаҳридаги сайловолди митинги пайтида яраланган эди. Одамлар қуролланган йигит томга чиққанини кўрган ва полициячига мурожаат қилган. Томас Крукс сиёсатчи томонга тахминан 5-6 марта ўқ узишга улгурган ва улардан бири Трампни ярадор қилган. Шундан сўнг ижтимоий тармоқларда бу вазиятда полициячи Дональд Трампни ҳимоя қилмаганини акс эттирувчи мемлар пайдо бўлди.

18 йилдан буён йўловчи ташиш билан шуғулланувчи аёл қоидабузарликларни қайд этувчи радарлар чиққанидан сўнг атиги 3 марта жарима ёзилгани, ўғли эса 4 ойда 11 марта қоидабузарлик сабаб радарга тушгани ҳақида айтган.

Бу суратда 30 йил ичида илк бор тоққа дам олишга кетаётган Damas ҳайдовчисини кўриш кўриш мумкин.

Ижтимоий тармоқларда ҳайвонлар алоҳида мавзу. Улар билан боғлиқ ҳар қандай пост сизнинг кайфиятингизга таъсир қилиши аниқ. Қуйидаги фойдаланувчининг ёзишича, бу кучукка эгаси доим ўз айбини ағдаради. У эса адолатсизлик сабабли вовуллайди. Ҳатто айрим тармоқ кузатувчилари унга юрист ёллашни ҳам режалаштирмоқда экан.

Қуйидаги мушук сурати эса алоҳида мемга сабаб бўлди. Унда ёзилишича, мушукча ўй-фикрларнинг кўплигидан чарчаган.

Бу мушукча эса қўшни хонадонга кириб, уй эгасининг жойнамозига ўтириб олган. Мушукчанинг бу ҳаракати, албатта, кузатувчиларнинг эътиборидан четда қолмади.

Барча бошқотирмалар ичида энг ақлдан оздирувчи бошқотирма топилди, деб ёзмоқда яна бир ижтимоий тармоқ фойдаланувчиси.

Бир пайтлар бутун маҳалла учун битта телевизор бўларди ва барча ўша хонадонга келиб, турли фильмлар томоша қиларди. Қуйидаги фотода бугунги кун тасвирланган. Маҳалладошлар йиғилиб футбол томоша қилмоқда.

Испания терма жамоаси футболчилари қаҳрамон Трамп ролида.