Баъзида фильм суратга олиш майдони жуда хавфли жойга айланади. Буни “Занг” фильми устида ишлаётганда содир бўлган фожиа тасдиқлайди.
Американинг Ню-Мексико штати прокуратураси актёр Алек Болдуинга 2021 йил 21 октябрда “Занг” фильмини суратга олиш чоғида оператор Галина Хатчинсни ўлдиргани бўйича расман айблов қўйган эди. Болдуин суратга олиш пайтида тасодифан Хатчинсни “Колт” револверидан отиб қўйди, унда номаълум сабабларга кўра ўқсиз патронлар ўрнига ҳақиқийлари бўлган.
Илгари фильмнинг пиротехник воситаларига жавобгар бўлган Ханна Гуттерез-Рид ўқсиз патронлар ўрнига ҳақиқийлари бўлган қуролларни аралаштириб юборгани аниқланган эди. Шу йил бошида у одам ўлдиришда айбдор деб топилиб, 18 ойлик қамоқ жазосига ҳукм қилинган эди. Прокурорнинг сўзларига кўра, унинг ҳаракатлари ва қурол етказиб берувчи Сет Кеннининг масъулиятсизлиги Хатчинснинг ўлимига сабаб бўлган.
Актёр Алек Болдуин мазкур ишда айбсиз деб топилгач, суд залида йиғлаб юборди. Актёр 18 ойгача қамоқ жазосига ҳукм қилиниши мумкин эди. Судья Мери Марлоу Соммер ўз қарорини эълон қилгач, Болдуин адвокати ва хотинини қучоқлаб олди.
Фото: Правила жизни
Терговчилар Болдуин суратга олиш майдончасидаги хавфсизлик чораларига яхши эътибор бермаганлигида даъво қилган эди.
Сўнг актёрни ҳимоя қилувчи томонлар прокурорларни далиллар — патронларни яширганликда айблади. Судья мазкур ишда ҳақиқатан ҳам қонунбузарликлар бор, деган хулосага келди. Натижада прокурорлардан бири истеъфога чиқди, судья ишни ёпишга қарор қилди.
Изоҳ (0)