АҚШ президенти Жо Байден нутқлари давомида тез-тез хатога йўл қўйиб, номларни чалкаштириб юборишини тан олди, аммо сайловолди пойгасидан чиқиш эҳтимолини рад этди.
Хабарда айтилишича, Америка етакчиси Мичигандаги митингда тегишли баёнот билан чиққан.
“Дебатлардан кейин матбуот менга танқид билан ҳужум қилганини сезгандирсиз. Мен жуда кўп хатоларга йўл қўяман. Улар мени қаттиқ танқид қилишди, чунки баъзида исмлар чалкашиб кетади. Мен Биллни баъзида Чарли деб юбораман”, дея қўшимча қилди у.
Байден оммавий ахборот воситалари унинг асосий сиёсий рақиби республикачи Дональд Трампнинг шу каби хатоларига унчалик аҳамият бермаётганидан шикоят қилди. Митинг марказий Америка телеканаллари томонидан трансляция қилинган.
“Охирги пайтларда жуда кўп тахминлар бўлаётганини кўрган бўлсангиз керак. Жо Байден нима қилади? У пойгада қоладими? Кетадими? Мана менинг жавобим: биз сайловда қатнашяпмиз ва биз ғалаба қозонамиз. Мен буни ўзгартирмоқчи эмасман”, деди Байден.
“Кўпчилик менинг кампаниям барбод бўлаётганини айтишмоқда. Мен ҳеч қаерга кетмайман”, деб ишонтирди Америка раҳбари.
Изоҳ (0)