Етим ва ота-она қарамоғисиз тоифадаги 14 ёшдан 23 ёшгача бўлган болалар учун “Ёшларга ҳамроҳлик дастури” жорий қилинмоқда. Бу ҳақда Тошкент шаҳрида бўлиб ўтган “Бандлик ва ижтимоий ҳимояни уйғунлаштириш орқали Ўзбекистонда ижтимоий адолат тамойилларини мустаҳкамлаш” мавзусида халқаро конференцияда маълум қилинди.
Ижтимоий ҳимоя миллий агентлиги директори Мансурбек Оллоёровнинг айтишича, “Ёшларга ҳамроҳлик дастури” доирасида:
- ҳар бир бола учун “индивидуал режа” асосида маҳаллаларда ижтимоий ходимлар бириктирилади;
- олий таълим, касб-ҳунарга тайёрлаш, уй-жой ижараси ҳамда даволаниш харажатлари давлат томонидан қоплаб берилади;
- таълимни тамомлаган ёшлар давлат фуқаролик хизматига танловсиз қабул қилинади.
Қўшимча қилинишича, “Ижтимоий суғурта тўғрисида”ги қонун лойиҳаси ишлаб чиқилиб, тез орада қабул қилиш режалаштирилган.
Изоҳ (0)