Россия санкцияларга қарамай узоқ вақт давомида ҳарбий амалиётлар ўтказиши мумкин. Бу ҳақда Япония Мудофаа вазирлигининг йиллик ҳисоботи — Мудофаа бўйича Оқ китобда эълон қилинди.
Ҳисоботда айтилишича, ҳарбий саноатнинг кечаю кундуз фаолият юритиши ва бошқа бир қатор омиллар туфайли Россия ҳарбий қудратини сақлаб турибди.
Ҳатто санкциялар остида ҳам Россия собиқ Совет Иттифоқи технологиялари даражасида етарли миқдорда ўқ-дори ва қурол ишлаб чиқаришни давом эттириши мумкин. Бу мамлакат узоқ вақт давомида курашни давом эттира олишидан далолат беради, дейилади ҳисоботда.
Ҳисоботда, шунингдек, Россия 2023 йилда ҳарбий саноат қувватини тўрт баробар оширишга муваффақ бўлганлиги таъкидланган.
Шу сабабли Европа давлатлари ва АҚШдан кўмакни кенгайтириш Украина учун янада муҳимроқ бўлмоқда, дейди Мудофаа вазирлиги.
Мудофаа Оқ китоби — бу Япония Мудофаа вазирлигининг мамлакат мудофааси нуқтайи назаридан дунёдаги вазият, шунингдек, ўз-ўзини мудофаа қилиш кучларининг ўтган йилдаги фаолияти ва асосий тенденциялари тўғрисидаги йиллик ҳисоботидир. Китоб стратегик ҳужжат эмас, балки йил давомида мудофаа соҳасидаги ўзгаришлар ва Япония ўзини-ўзи мудофаа қилиш кучлари фаолиятининг умумий кўринишидир.
Изоҳ (0)