Тошкент шаҳрининг айрим ҳудудларида иссиқ сув таъминоти вақтинча тўхтатилади. Бу ҳақда Veolia Energy Ташкент хабар берди.
Қайд этилишича, иссиқлик тармоқларида авариявий таъмирлаш ишлари олиб борилиши ва тегишли жиҳозларни алмаштириш зарурати туфайли бугун, 11 июль куни қуйидаги манзилларда иссиқ сув таъминоти вақтинча тўхтатилади:
- Мирзо Улуғбек тумани — Мирзо Улуғбек, Сайрам, Мустақиллик, Муҳаммад Юсуф, Бойқўрғон, Боткина кўчалари.
- Яшнобод тумани — Паркент, Риёзий, “Ташселмаш” даҳалари.
Иссиқ сув таъминоти таъмирлаш ишлари тугалланиши билан тикланади (тахминан бугун соат 21:00 гача).
Veolia Energy Ташкент МЧЖ ХК юзага келган ноқулайликлар учун узр сўрайди ва ишларни белгиланган муддатларда якунлаш бўйича зарур чораларни кўради.
Аввалроқ Тошкент шаҳри Яшнобод туманида юз берган йўл-транспорт ҳодисаси оқибатида минглаб хонадонлар газ таъминотисиз қолгани тўғрисида хабар берилганди.
Изоҳ (0)