Ижтимоий тармоқларда Сирдарёдаги боғчада тарбиячининг ёш болага оёғини уқалатиб ётган видеоси тарқалди. Вилоят Мактабгача ва мактаб таълими бошқармаси ҳолатга изоҳ берди.
Унга кўра, ҳолат зудлик билан вилоят Мактабгача ва мактаб таълими бошқармаси томонидан назоратга олинган ва бошқарманинг Оқолтин тумани бўлими масъуллари томонидан атрофлича ўрганиб чиқилган.
Ўрганишлар натижасида ҳолат тумандаги 2-сонли давлат мактабгача таълим ташкилотида тасвирга олингани аниқланди.
Ҳолат юзасидан тумандаги барча давлат мактабгача таълим ташкилоти раҳбарлари ва бўлим ходимлари иштирокида йиғилиш бўлиб ўтди ва ушбу воқеа атрофлича муҳокама қилинди. Муҳокама қарорига мувофиқ 2-сонли давлат мактабгача таълим ташкилоти тарбиячиси Н.Х билан тузилган меҳнат шартномаси бекор қилинди.
Изоҳ (1)
Bunday insonlarni qamash kerak