Жем Адриан тахаллуси билан танилган туркиялик қўшиқчи ва композитор Жем Фелиз Туркиянинг Ван шаҳридаги “Ван Кüлтüр Йўлу” фестивалида иштирок этаётган вақтда ҳужумга учради. Бу ҳақда Туркия ОАВлари хабар бермоқда.
Томошабинлардан бири саҳнада қўшиқ ижро этаётган хонандага қарата ичи сувга тўлдирилган пластик бутилкани улоқтирди. Қаттиқ оғриққа қарамай, Адриан концертни тўхтатмади ва томошабинларнинг олқишлари остида қўшиқ куйлашда давом этди.
Концертдан сўнг хонанда хавотир олган мухлисларини тинчлантириш учун Instagramъда улар учун алоҳида хабар қолдирди:
“Кеча мен билан содир бўлган воқеа нохуш ҳодиса тўғрисидаги хабарлар ва унга ёзилган шарҳларни ўқиб чиқдим. Азизлар, ҳозирда ўзимни жуда яхши ҳис этяпман! Хавотир олманг, ҳаммаси яхши. Мен гўё атиргул боғида эдим, гулнинг бир нечта тикани кайфиятимни бузмайди. Тиканларни деб атиргулни севишдан тўхтамайман, сизни яхши кўраман! Тадбир ажойиб ўтди. Ван, сендан миннатдорман!”, — деб ёзди Адриан.
Ван маданият фестивали (Ван Кüлтüр Ёлу Фестивали) 2024 йил 29 июндан 7 июль кунига қадар бўлиб ўтди. Туркия Маданият ва туризм вазирлиги томонидан ташкил этилган мазкур тадбирда мамлакатнинг бой маданий меросини нишонлаш ва тарғиб қилинди ҳамда турли маданий тадбирлар, томошалар ўтказилди.
Маълумот учун: Ван — Туркияда, Ван кўлининг шарқий қирғоғида жойлашган шаҳар.
Изоҳ (0)