Бухоро шаҳрида истеъмолга яроқсиз алкоголь маҳсулотларини сотаётган шахслар ушланди, деб хабар бермоқда Бош прокуратура ҳузуридаги департамент.
Унга кўра, департаментнинг Бухоро шаҳар бўлими томонидан ўтказилган терговга қадар текширувда аниқланган. “Ш.С.” МЧЖ раҳбари Л.Й. ва бошқалар МЧЖ савдо дўкони ва ертўласида 8 турдаги жами 1 395 дона истеъмолга яроқсиз алкоголь маҳсулотларини ҳамда 570 қути акциз маркасиз тамаки маҳсулотларини сотиш мақсадида сақлаб келаётгани аниқланиб, ушбу маҳсулотлар ашёвий далил сифатида олинган.
Мазкур ҳолатлар юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкент шаҳрининг Чилонзор, Сурхондарё вилоятининг Шўрчи туманлари, шунингдек, Самарқанд ва Урганч шаҳрида акциз маркасиз тамаки ва истеъмолга яроқсиз алкоголь маҳсулотларини муомалага киритилишининг олди олинганди.
Изоҳ (0)