Тошкент шаҳри Янгиҳаёт туманида ўзганинг хонадонини мерос сифатида расмийлаштириб олган шахслар аниқланди, деб хабар беради Бош прокуратура ҳузуридаги департамент.
Қайд этилишича, департаментнинг Янгиҳаёт туман бўлими томонидан фуқароларнинг ҳуқуқ ва манфаатларини ҳимоя қилиш юзасидан терговга қадар текширув ўтказилган. Текширувда Т.К., В.Ш. исмли шахслар ва бошқалар ўзаро тил бириктириб, фуқаро И.К.га тегишли хонадонни гўёки вафот этган отаси Т.К.га тегишли экани ҳақидаги сохта ҳужжатларни тайёрлаб, ушбу хонадонни ўзларига мерос сифатида расмийлаштириб олгани аниқланган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Куни кеча Фарғона шаҳрида ўзганинг хонадонини қалбаки ҳужжатлар асосида 20 800 долларга сотган фирибгарлар ушлангани тўғрисида хабар берилганди.
Изоҳ (0)