“ЦСКА” ярим ҳимоячиси Аббосбек Файзуллаев 11 июль куни Парижда бўлиб ўтадиган Олимпиадага тайёргарлик кўриш учун Ўзбекистон олимпия терма жамоаси йиғинига жўнаб кетади. Бу ҳақда у журналистларга маълум қилди.
“Биз келишиб олдик, 11 июль куни Ўзбекистон терма жамоаси жойлашган жойга учиб бораман, бизнинг мақсадимиз – медаллар билан қайтиш. Биз узоқ гаплашмадик, бу ҳаётда бир марта содир бўлиши мумкинлигини бош мураббий жуда яхши тушунди. Имконият учун клубдан миннатдорман”, — дейди Файзуллаев.
Ўзбекистон терма жамоаси ёшлар ўртасидаги Осиё кубогининг финал босқичига йўл олиб, Олимпиада йўлланмасини қўлга киритди. Жамоа биринчи марта Олимпия ўйинларида иштирок этади.
Футбол бўйича эркаклар ўртасидаги Олимпия ўйинлари 24 июлдан 9 августга қадар Франциянинг етти шаҳрида бўлиб ўтади.
Маълумот учун, Париж—2024 Олимпиадасида Ўзбекистон U23 жамоаси Олимпиадада C гуруҳидан жой олди. Ўзбекистон U23 термаси гуруҳда Испания, Доминикан ва Миср каби терма жамоалар билан баҳс олиб боради.
Кеча, 4 июнь куни Москванинг “ЦСКА” жамоаси Сербиянинг “ОФК” клубига қарши баҳс олиб борди. Учрашувнинг 35-дақиқасида ўзбекистонлик футболчи Аббосбек Файзуллаев ўз ҳисобига гол ёзиб қўйди. Якунда “ЦСКА” йирик (4:1) ҳисобда ғалаба қозонди.
Изоҳ (0)