Ижтимоий тармоқларда Бухорода вояга етмаганларнинг тўйи бўлгани ҳақида хабарлар тарқалган эди. Ҳолат юзасидан болалар омбудсмани муносабат билдирди.
Маълум қилинишича, ҳолат болалар омбудсмани томонидан алоҳида кузатувга олинган.
Ўрганиш давомида аниқланишича, 2008 йилда Шофиркон туманида туғилган А.А. (ўғил бола) 2007 йилда Қоракўл туманида туғилган Р.Н. (қиз бола)нинг ўртасида иккала вояга етмаганнинг оилалари ўзаро келишуви асосида 29 июнь куни Бухоро шаҳрида никоҳ тўйи бўлиб ўтган.
Ҳолат юзасидан Қоракўл туман ИИБ ҳузуридаги тергов гуруҳи томонидан терговга қадар текширув ҳаракатлари олиб борилди.
2 июль куни вояга етмаганларнинг ота-оналари Н.С. ва Н.Қ.ни МЖтКнинг 47-3 моддаси (никоҳ ёши тўғрисидаги қонунчиликни ёки никоҳ тузиш тартибини бузиш) билан маъмурий жавобгарликка тортиш юзасидан ҳужжатлар судга юборилди.
Изоҳ (0)