Суперкомпьютер Евро—2024 мусобақаси ғолиблиги учун асосий номзодни аниқлади

Opta суперкомпьютери 1/8 финал учрашувлари бошланиши арафасида 2024 йилги Европа чемпионатининг асосий фаворитини аниқлади.

Optaга кўра Евро—2024 ғолиблигига асосий даъвогар Англия термаси (20%) деб ҳисобламоқда. Фаворитлар учлигига Испания (17,2%) ва Германия (15,8%) терма жамоалари ҳам кирган. Грузия терма жамоаси ушбу мусобақа ғолиблиги учун номзодлар рейтингининг сўнгги ўрнини эгаллаган. Суперкомпьютер жамоанинг ғолиблигига 0,3 % ишонмоқда.

Евро—2024 1/8 финалида қуйидаги жамоалар ўзаро баҳс олиб боради:

• Испания — Грузия;
• Германия — Дания;
• Португалия — Словения;
• Франция — Бельгия;
• Руминия — Нидерландия;
• Австрия — Туркия;
• Англия — Словакия;
• Швейцария — Италия.

Маълумот учун, нимчорак баҳсларини Швейцария ҳамда Италия миллий жамоалари бошлаб беради. Ушбу термалар ўртасидаги учрашув 29 июнь куни бўлиб ўтади.

Футбол бўйича Европа чемпионати 14 июлга қадар давом этади. Турнир финали Берлиндаги Олимпия стадионида бўлиб ўтади.