Конгодаги тадқиқотчилар Mpox Clade 1b вирусининг янги штаммини энг хавфли деб атади ва у бутун дунёга тарқалиши мумкинлигидан огоҳлантирди. Бу ҳақда Sky News хабар берди.
Олимлар 2023 йили маймунчечак номи билан машҳур бўлган Clade 2 Mpox’нинг одамдан одамга юқиши билан боғлиқ биринчи ҳолатни аниқлаган. Бу ҳолат Вьетнамда содир бўлган. Мазкур вирус янада оғирроқ симптомларга эгалиги, касалликдан ўлим юқори бўлиши айтилмоқда. Clade 2 каби, Clade 1б инфекция жойида кучли пуфакчали тошмалар пайдо бўлади. Аммо аломатлар янада оғирроқ бўлиб, тошма кўпинча бутун танага тарқалади.
Конгода касалланишнинг янги ҳолатларнинг аксарияти жинсий йўл билан юққан, аммо янги штамм одамдан одамга осонроқ тарқалиши мумкин. Маймунчечакнинг янги тури аёлларда ҳомила тушишига ҳам олиб келган. Мпох вирусининг хавфли янги штамми тарқалишини кузатаётган олимлар “тайёргарлик вақти келгани”ни таъкидламоқда.
Штаммнинг хавфлилик даражаси тўлиқ баҳоланмаган, чунки фақат касалхонага ётқизилган беморларнинг ҳолатлари ўрганилган. Бироқ, дастлабки ҳисоб-китобларга кўра, ундан ўлим даражаси катталар учун 5 фоиз ва болалар учун 10 фоизни ташкил қилади.
Бу Мпохнинг барча маълум штаммлари ичида энг хавфлиси. Ҳамма тайёр бўлиши керак, — деди Руанда университетидан Жан-Клод Удахемука.
Бугунги кунга қадар Clade 2 Мпох инфекциясининг 97 мингдан ортиқ ҳолатлари бор, Буюк Британияда деярли 4 мингта ҳолат кузатилган. Аксарият ҳолатлар енгил бўлиб, ўлим даражаси 0,5 фоиздан кам.
Қанча одам янги штамм билан касаллангани номаълум бўлса-да, Конгодаги шифокорлар мингдан ортиқ юқтирган одамни аниқлаган.
Изоҳ (0)