Трамп Атланта қамоқхонасида уни қийноққа солишганини айтди

АҚШ собиқ раҳбари Дональд Трамп 2023 йил президентлик сайловларига аралашиш иши бўйича айбланувчи сифатида сақланаётган Фултон округидаги қамоқхонада қийноққа солинганини айтди. Бу ҳақда Washington Times хабар берди.

Трамп сайловолди кампаниясида маблағ йиғиш бўйича электрон почта хабарида бу ҳақда маълумот берган.

Менга нима қилишганини эслаб қолишингизни истайман. Улар мени Фултон округидаги қамоқхонада қийноққа солишди ва ўзларининг картотекалари учун суратга олишди, — деди собиқ президент.

АҚШ собиқ президенти 2023 йил икки марта ҳибсга олинган. Биринчиси 2023 йил апрель ойида Манхеттен округи прокуратурасида суд мажлиси бошланишидан олдин содир бўлган, у 34 та пункт бўйича жиноий жавобгарликка тортилиши керак эди. Қўшма Штатлар учун айбловдан олдин ҳибсга олиш тартиби стандарт ҳисобланади. Суд мажлисидан сўнг Трамп ўз аризаси билан қўйиб юборилган.

Дональд Трамп ўтган йилнинг август ойида иккинчи марта ҳибсга олинган. У Фултон округи (Жоржия штати) қамоқхонасида президентлик сайловларига аралашганликда айбланиб, суд жараёни олдидан ушлаб турилган. Сиёсатчи ҳибсхонада бор-йўғи 20 дақиқа қолган, ўшанда полиция унинг қамоқхонадаги илк фотосуратини (магшот) олган.

Бундан ташқари, собиқ давлат раҳбари П01135809 рақами билан қамоқхона реестрига киритилган ва жазони ижро этиш муассасаси сайтида унинг маълумотлари акс этган ёзув пайдо бўлган. Қамоқхонада қолгач, Трамп ўз ҳис-туйғулари билан ўртоқлашган ва уларни ёқимсиз деб атаган. 

“Бу ёқимсиз туйғу, айниқса, сиз ҳеч қандай иш қилмаганингизда”, — деган АҚШ собиқ президенти. 

У 200 минг доллар гаров эвазига қамоқдан озод этилган.