Сингапурдаги “Марина Бай Сандс” казиносида юз берган воқеада бир киши 4 миллион доллар ютиб олганидан сўнг тўсатдан вафот этди, дея Lokmat Times хабар берди.
![](/static/2024/06/25/photo_2024-06-25_19-14-57-zo7QygSQ.jpg)
Нашр маълумотларига кўра, номаълум эркакда кутилмаган омад ортидан кучли стресс туфайли юрак тўхташи содир бўлган.
Ҳодиса машҳур казинода юз берди, у ерда бахтли ғолиб 4 миллион долларлик жекпотни қўлга киритди. Гувоҳлар хурсандчилик ўртасида йиқилиб, эйфория саҳнаси ваҳимага айланган воқеани тасвирлаб беришди, — дейилади хабарда.
Қайд этилишича, воқеа жойига чақирилган казино ходимлари ва қутқарувчилар зудлик билан эркакни жонлантиришга ҳаракат қилган, бироқ уни қутқара олмаган.
A man won $4 million at Marina Bay Singapore Casino but suffered a cardiac arrest from the excitement and died. 💸#MarinaBaySingaporeCasino #Casino #LokmatTimes pic.twitter.com/Py5ttMkniH
— Lokmat Times (@lokmattimeseng) June 24, 2024
Нашрнинг таъкидлашича, воқеа Сингапурнинг казино саноати билан боғлиқ потенциал хавфлар, жумладан, пул ювиш билан боғлиқ хавотирлар кучайган бир пайтда содир бўлган.