Америкалик актёр ва продюсер, “Ҳақиқий детектив”, “Ҳаёт-мамот ўйинлари”, “Зомбилендга марҳамат” каби фильмлар юлдузи Вуди Ҳаррельсон смартфондан воз кечгани ҳақида айтиб берди.
Актёрнинг сўзларига кўра, у телефонга жуда кўп вақтини сарфлаган, шунинг учун уч ярим йил аввал гаджетдан фойдаланишни тўхтатган.
“Куннинг исталган вақтида ҳар қандай инсон мен билан боғлана олиш имконияти бўлишини ёқтирмайман. Тўғри, телефондан фойдаланишни тўхтатганимнинг асосий боиси бу эмас. Мен инсонлар билан мулоқот қилишни яхши кўраман, шунчаки уяли алоқа телефони мен учун ортиқча предметга айланган”, — деди Ҳаррельсон “Where Everybody Knows Your Name” подкастида.
Ҳаррельсон охирги марта режиссёр Лора Чинн томонидан суратга олинган ва ҳаётий воқеаларга асосланган “Қуёшли соҳил” драмасида ҳамда режиссёр Грег Берландига тегишли “Ойга парвоз” комедиясида суратга тушди.
Изоҳ (0)