Швета Баччан Нанда
Болливуднинг тирик афсонаси Амитабҳ Баччан ва актриса Жая Баччаннинг фарзанди Швета укаси Абҳишекдан фарқли равишда ота касбини давом эттирмасликни афзал билган ва моделликни танлаган. Бундан ташқари, у ўзини журналист сифатида ҳам синаб кўрган.
Риддхима Капур Сахани
Риши Капур ва Нита Сингхнинг фарзанди Риддхима ҳам кино саноатида фаолият юритишни истамаган. Мода саноати ва заргарлик буюмлари билан шуғулланишни танлаган Риддхима ўз соҳасида яхши мутахассис ҳисобланади.
Масаба Гупта
Актриса Нина Гупта ва Вивиан Ричардснинг қизи Масаба ҳам касб борасида бошқа соҳани танлаган. Унинг номи мода оламида дизайнер сифатида яхши маълум. Бундан ташқари, Масаба NYKАА бренди билан ҳамкорликда косметик воситалар ишлаб чиқара бошлаган.
Аншула Капур
Аржун Капурнинг синглиси ва таниқли продюссер Бони Капурнинг қизи Аншула оила аъзоларидан фарқли равишда кино йўлини танламаган. Нью-Йоркда таълим олиб, Google’да фаолият юритган Капур хоним айни вақтда Ритик Рошаннинг HRХ компаниясида операцион менежер бўлиб ишлайди.
Рхея Капур
Анил Капур ва Сунитанинг қизи Рхеянинг барча ака ва опалари актёрликни танлаган. Лекин у телеекранлардан узоқроқ юришни афзал билиб, АҚШда таълим олган ва айни вақтда дизайнер-стилист сифатида фаолият юритади. Рхея Rheson кийим брендининг эгаси ҳисобланади.
Изоҳ (0)