Фильм томоша қилаётганда томошабинлар баъзан у ёки бу қаҳрамон неча ёшда экани ҳақида ўйламайди ҳам.
Шерлок Холмс (“Шерлок”)
Шерлок Холмс қаҳрамони биринчи марта Артур Конан Дойлнинг “Қирмизи рангдаги этюд” ҳикоясида тилга олинади. Ўшанда ёш детектив 27 ёшда эди. “Шерлок” сериалининг биринчи қисми суратга олинганда Бенедикт Камбербетч 34 ёшда бўлган. Айтганча, у бу образни ўйнаган энг ёш актёрлардан бири — унда аввал детектив ролини асосан ўрта ёшли актёрлар ижро этган.
Жасмин (“Олоуддин”)
Жасминнинг ёши оригинал фильмда ёки Disney веб-сайтида тўғридан тўғри айтилмаган. Бироқ маълумки, қиз 16 ёшга тўлгунга қадар ўзига турмуш ўртоқ танлаши керак эди. Бу шуни англатадики, фильмнинг аксарият қисмида қиз 15 ёшда. 2019 йилдаги фильмда эса Жасмин ролини ижро этган актриса Наоми Скотт 26 ёшда бўлган.
Арагорн (“Узуклар ҳукмдори”)
Китобдаги Арагорн Фродо билан учрашганида 87 ёшда бўлади. Кинонинг биринчи қисмида актёр Вигго Мортенсеннинг ўзи 43 ёшда эди.
Жулия Чайлд (“Жули ва Жулия: Бахт рецепти”)
Жулия Чайлднинг “Француз пазандачилик санъатини ўзлаштириш” китоби чоп этилганида 48 ёшда эди. “Жули ва Жулия: Бахт рецепти” фильми ошпаз ҳаётидаги шу даврни акс эттиради. Экранда Чайлд образини гавдалантирган актриса Мерил Стрип эса 60 ёшда эди.
Жулиетта (“Ромео ва Жулиетта”)
Шекспирнинг мазкур трагедияси кўп марта экранлаштирилган. Энг машҳур фильмлардан бирида Жулиетта ролини 17 ёшли Оливия Хасси ўйнайди. Асл севги ҳикоясида Жулиетта 13 ёшда бўлади.
Ariel (“Сув париси”)
Disney анимацион фильмида сув париси отасининг денгиз шоҳлигини тарк этганида 16 ёшда эди. 2023 йилда Ariel ролини 23 ёшли Халле Бэйли ижро этган бадиий фильм чиқади. Аммо шуни таъкидлаш керакки, фильмдаги сув париси 18 ёшда бўлган.
Эдвард (“Сумерки”)
Эдвард Каллен 17 ёшида вампирга айланган. 104 ёшга тўлганида эса илк бор Белла билан танишган ва уни севиб қолган. Роберт Паттинсон “Сумерки”нинг биринчи қисми чиққанида атиги 22 ёшда бўлган.
Майя (“Қайтадан бошла”)
Фильмда Майя Варгас 40 ёшга тўлган бўлади, чунки у туғилган куни муносабати билан зиёфат уюштиради. Аммо ўша пайтда Женнифер Лопеснинг ўзи 49 ёшда эди.
Золушка (“Золушка”)
Disneyнинг “Золушка” фильмида бош қаҳрамон 19 ёшда бўлади. 2015 йилда чиққан худди шу номдаги фильмда 26 ёшли Лили Жеймс Золушка ролини ажойиб тарзда ижро этган.
Изоҳ (0)