Олий Мажлис Сенати раиси Танзила Норбоева давлат ташрифи билан Ўзбекистонда бўлиб турган Мўғулистон президенти Ухнаагийн Хурельсух билан учрашув ўтказди. Бу ҳақда Сенат раиси Telegram каналида хабар берилди.
Маълум қилинишича, Мўғулистон етакчиси билан суҳбат давомида икки давлат етакчиларининг сиёсий иродаси туфайли бугун Ўзбекистон-Мўғулистон ўртасидаги муносабатларда янги саҳифа очилиб, ўзаро алоқалар юқори босқичга кўтарилганлиги алоҳида таъкидланди.
Давлатлар ўртасида, савдо-иқтисодий, тоғ-кон саноати, қишлоқ хўжалиги, ахборот технологиялари, ижтимоий-гуманитар каби кенг қамровли соҳаларда тузилган шартномаларнинг ижросини таъминлашда парламент назорати муҳимлиги қайд этилган.
“Келгусида Ўзбекистон-Мўғулистон парламентлараро дўстлик гуруҳларининг фаолиятини янада жадаллаштириш ва шу йўналишда тегишли ҳамкорлик ҳужжатларини қабул қилиш юзасидан фикр алмашдик”, – дейилади хабарда.
Изоҳ (0)