Мўғулистон президентининг Ўзбекистонга ташрифи, Чирчиқда Spark сувга тушиб кетиши, Фарғонада 11 йилдан буён алимент тўламаган ота тунги клубдан топилиши — “Дарё” нашри бугун, 24 июнда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Шавкат Мирзиёев Доғистондаги террорчилик ҳаракатлари сабаб Владимир Путинга ҳамдардлик билдирди
Ўзбекистон етакчиси террорчилик ҳужумларини қатъий қоралади.
Жанубий Корея Ўзбекистонга етказиб берадиган тезюрар поездлар қанча ўринга эга бўлиши очиқланди
Ҳар бири етти вагонли поезд VIP, бизнес ва эконом классларни ўз ичига олади.
Фарғонада пиёдалар ўлимига сабабчи бўлган Lacetti ва Nexia ҳайдовчиларига суд ҳукми ўқилди
Улардан бири вояга етмаган мактаб ўқувчисини уриб юборган.
Кўксаройда Мўғулистон президентини расмий кутиб олиш маросими бўлиб ўтди
Президентлар фахрий қоровул сафи олдидан ўтиб, расмий делегациялар аъзоларини қутлади.
Ўзбекистон ва Мўғулистон ҳамкорлигининг бир қатор йўналишлари аниқлаб олинди
Шавкат Мирзиёев ва Ухнаагийн Хурельсух икки мамлакат расмий делегациялари иштирокида музокара ўтказди.
Ўзбекистон—Мўғулистон ҳамкорлигини кенгайтиришга қаратилган 14 та ҳужжат имзоланди
Савдо, иқтисодий ва инвестициявий ҳамкорлик тўғрисидаги дастур, Халқаро автомобиль алоқаси тўғрисида ҳукуматлараро битим шулар жумласидан.
“Нима учун ёпилдик, билмаймиз”. Қашқадарёда тадбиркор 2 та метан заправкасига уч ойдан бери газ берилмаётганини айтмоқда
“Ҳудудгазтаъминот” масъули газ етказиб беришни тўхтатиш Бош прокуратура талабига кўра амалга оширилганини билдирди.
“Мўғулистон президентининг Ўзбекистонга биринчи давлат ташрифи ҳақли равишда тарихий бўлди — Шавкат Мирзиёев
Ўзбекистон ва Мўғулистон президенти олий даражадаги музокаралар якунлари бўйича ОАВ вакиллари учун баёнот берди.
Ўзбекистон ва Мўғулистон президентлари икки мамлакат ишбилармонлари билан учрашув ўтказди
Тез фурсатда Мўғулистон ва Ўзбекистонда савдо уйларини очиш ва икки мамлакат пойтахтларида саноат кўргазмаларини ўтказиш режалаштирилган.
Тошкент метрополитенида поездда ёнғин чиққани айтилган хабарга изоҳ берилди
Йўловчилар ва ҳаракат хавфсизлигини таъминлаш мақсадида йўловчилар бекатга туширилган.
Ўзбекистон ва Мўғулистон президентлари Фахрий меҳмонлар хиёбонида дарахт экди
Дарахт экиш маросими Кўксарой қароргоҳида бўлиб ўтди.
Шавкат Мирзиёев Владимир Путин билан телефон орқали мулоқот қилди
Давлат раҳбари умумий таҳдидларга қарши курашда тегишли тузилмалар ўртасидаги фаол ҳамкорликни давом эттиришга тайёрлигини билдирди.
Чирчиқда аёл бошқарувни йўқотгани оқибатида Spark сувга тушиб кетди (видео)
Машина ичидаги фуқаролар қутқариб олинган.
Фарғонада 11 йилдан буён алимент тўламаган ота тунги клубдан топилди
Унга нисбатан маъмурий жазо қўлланиши юзасидан судга ҳужжатлар юбориш чоралари кўрилмоқда.
Шавкат Мирзиёев ва Мўғулистон президенти Ухнаагийн Хурельсух Технопаркка ташриф буюрди
Мўғулистон президентига Технопарк корхоналарида ишлаб чиқарилаётган кенг турдаги юқори технологик маҳсулотлар намойиш этилди.
Изоҳ (0)