Доғистоннинг Дербент шаҳрида қуролланган номаълум шахслар синагога ва черковга ҳужум қилди ва полиция ходимларига ўқ узди. Бу ҳақда “ТАСС” хабар берди.
“Дербентда номаълум шахслар синагога ва черковга автомат қуроллардан ўқ узган. Дастлабки маълумотларга кўра, бир полициячи ҳалок бўлган, бир нафари яраланган. Гумонланувчилар қочиб кетган машина оқ рангли Volkswagen Polo экани аниқланди”, — дейилади хабарда.
Хавфсизлик кучларига яқин манбалар номаълум шахслар черков ва синагогага ўт қўйганини айтди. Махачқалъа шаҳрида ҳуқуқ-тартибот ходимларига яна бир ҳужум уюштирилган. Доғистон Ички ишлар вазирлиги Махачқалъадаги отишма оқибатида бир полициячи ҳалок бўлгани, олти нафари яраланганини маълум қилди.
Россия ҳуқуқ-тартибот органларига яқин бўлган 112 Telegram-канали Доғистондаги отишмада беш нафар полисиячи ҳалок бўлиб, тўққиз нафари яралангани ҳақида хабар тарқатди. Доғистон раҳбари Сергей Меликов фуқароларни хотиржамликка чақирди. У барча хавфсизлик хизматлари кўрсатмаларга мувофиқ ишлаётганини айтди.
Изоҳ (0)