АҚШ расмийлари Вашингтон ва Нью-Йоркдаги Россия виза марказининг иккита филиалини ёпмоқда, шунингдек, россиялик дипломатларни солиқ тўламаслик имкониятидан маҳрум қилмоқда. Бу ҳақда “ТАСС” хабар берди.
Америкаликлар бизга виза маркази ёпилиши ҳақида хабар юборишди ва энди Россия дипломатлари ва консуллари зиммасига қўшимча юк тушади, — деди Россия дипломатик миссияси раҳбари Анатолий Антонов.
Россия элчиси Қўшма Штатларда яшовчи русларни зарур юридик ва консуллик хизматлари билан таъминлаш учун “барча кучини сарфлашга” ваъда берган.
Антонов, шунингдек, Америка расмийлари россиялик дипломатларни солиқдан озод қилиш имтиёзларидан маҳрум қилганини айтган.
Улар бизнинг солиқдан озод қилинган карталаримизни олиб қўйишди. Бу карталар ҳар қандай давлатдаги дипломатлар учун имтиёзлар, хусусан, яшаш ва маҳаллий ғазнага солиқ тўламаслик имконини беради, — дейди у.
2020 йил декабрь ойида Қўшма Штатлар россиялик дипломатларнинг мамлакатда қолишини уч йил муддатга чеклашни жорий қилган эди. Ушбу чеклов туфайли 27 нафар дипломат ва уларнинг оила аъзолари 2022 йил 30 январгача, яна 28 киши эса 2022 йил 30 июнгача АҚШни тарк этиши керак эди.
Изоҳ (0)