Сурхондарё вилояти Денов туманида 17 ёшли қиз бедарак йўқолди. Бу ҳақда вилоят ИИБ хабар берди.
Маълум қилинишича, Сурхондарё вилояти Денов тумани “Кўхисор” маҳалласида яшовчи 2007 йил туғилган Маҳкамова Саврина Хуршедовна 2024 йил 28 май куни яшаш манзилидан номаълум томонга чиқиб кетиб, бедарак йўқолган.
Ушбу фуқарони топилишида кўмаклашганлар 5 миллион сўм пул маблағи билан мукофотланади ҳамда маълумот берган шахсларнинг шахсига оид маълумотлари сир сақланиши кафолатланади.
У ҳақида маълумотга эга бўлган фуқаролардан қуйидаги телефон рақамларига мурожаат қилиш сўралди: 102, +998-91-232-01-01, +998-88-875-02-00
Апрель ойида Сурхондарёнинг айни шу тумани “Даҳана” маҳалласида яшовчи Хусин Урунов бедарак йўқолгани тўғрисида хабар берилганди. Бош прокуратура матбуот хизмати бошлиғи Ҳаёт Шамсутдинов “Дарё”га эркак қотиллик аломатлари билан топилганини маълум қилган.
Изоҳ (0)