Суперлига. Самарқандга қайтган “Динамо” дуранг ўйнади, “Локомотив” ўз уйида мағлубиятга учради

Футбол бўйича Ўзбекистон Суперлигасининг 12-туридан ўрин олган икки ўйин 22 июнь, шанба куни бўлиб ўтди.

Самарқандга қайтган “Динамо” Андижон клубини қабул қилди. Учрашувнинг 37-дақиқасида Анваржон Ҳожимирзаев ҳисобни очди. Биринчи бўлимнинг қолган қисмида жамоалар уюштирган ҳужумлар бесамар якунланди. 

Иккинчи бўлимнинг дастлабки дақиқалари тенг курашлар остида кечди. Учрашувнинг 69-дақиқасига келиб Бектемир Абдуманнонов ҳисобни тенглаштирди. 

Шу тариқа Самарқанд жамоаси яна дуранг ўйнаб очколари сонини 14 тага етказди. 

“Локомотив” клуби Жиззахнинг “Сўғдиёна” клубини қабул қилди. Учрашувнинг биринчи бўлимида ҳисоб очилмади.

52-дақиқада Олег Зотеев ҳисобни очди. Орадан 9 дақиқа ўтиб Иван Рогач ҳисобни тенглаштирди. 71-дақиқада Шоҳрух Абдураҳмонов меҳмонларни олдинга олиб чиқди.

Қолган дақиқалар давомида учрашувда ҳисоб ўзгармади ва Жиззах жамоаси очколари сонини 20 тага етказди ва турнир жадвалида 3-ўринга кўтарилиб олди.

Суперлига

12-тур

22 июнь, шанба

“Динамо” – “Андижон” 1:1

Голлар: 1:0 — Анваржон Ҳожимирзаев (37), 1:1 — Бектемир Абдуманнонов (69).

“Динамо”: Равшан Ягудин, Улуғбек Абдуллаев, Одил Абдумажидов, Франсис Нарх (Ҳумоюнмирзо Иминов, 63), Хислат Халилов (Дамир Темиров, 72), Жоэл Кожо, Салим Мустафоев, Ратинио, Анвар Ҳожимирзаев, Санжар Шоаҳмедов (Эммануэл Ягр, 63), Душан Мийич.

“Андижон”: Элдор Адҳамов, Абдувоҳид Ғуломов, Шерзод Эсанов, Леван Арвеладзе, Сардор Азимов, Владимир Бубаня, Фарҳод Соҳибжонов, Муҳаммадкарим Тоиров (Илҳом Абдиғаниев,46), Ислом Маматказин, Бектемир Абдуманнонов (Шаҳром Самиев, 75), Рустам Турдимуродов.

Огоҳлантиришлар: Арвеладзе (45+2), Азимов (54), Эсанов (62), Ратинио (80). 

“Локомотив” – “Сўғдиёна” 1:2

Голлар: 0:1 — Олег Зотеев (52), 1:1 — Иван Рогач (61), 1:2 — Шоҳрух Абдураҳмонов (71). 

“Локомотив”: Суҳроб Султонов, Абдулазиз Абдурашидов, Иван Рогач, Дилшод Комилов, Жасур Ҳакимов, Санжар Турсунов, Абдуллоҳ Йўлдошев, Собит Синдаров, Анзур Исмоилов (Шоҳрух Худойбергенов, 69, Иван Булатович, 81), Абубакрризо Турдиалиев (Иззатилла Абдуллаев, 90), Лазиз Мирзаев (Муҳаммаданас Ҳасанов, 90).

“Сўғдиёна”: Милан Митрович, Сардор Қулматов, Ислом Қобилов, Алишер Салимов (Жасур Ёқубов, 57), Владимир Ёвович, Зоран Петрович, Люпчо Дориев (Самандар Синдаров, 90+2), Хондамир Мустафоқулов, Станислав Андреев (Шоҳрух Абдураҳмонов, 60), Нодир Сойибов, Олег Зотеев.