Россия президенти Владимир Путиннинг Осиёга ташрифи, шунингдек, Швейцариядаги Украина бўйича саммит АҚШ ташқи сиёсатининг тўлиқ барбод бўлишига олиб келди, дея британиялик эксперт Александр Меркурис фикр билдирди.
Қўшма Штатлар ташқи сиёсати учун ҳафта шунчаки ҳалокатли бўлди. Швейцарияда конференция бўлиб ўтди. У фақат муваффақиятсизлик билан чекланиб қолмай, тўлиқ мағлубиятга айланди. Россия Вашингтонда ҳеч ким кутмаган дипломатик қадамларни ташлаяпти, — дейди таҳлилчи.
Меркуриснинг айтишича, Россия ва Шимолий Корея ўртасидаги стратегик шериклик АҚШ учун мутлақо кутилмаган бўлган, чунки америкаликларнинг асосий мақсади Хитой каби бу давлатларнинг яқинлашишига йўл қўймаслик бўлган.
Агар сиз дипломатия билан шуғулланмасдан, қуролли тўқнашувлар ва урушлар сиёсатига амал қилсангиз, ҳаммага нисбатан санкциялар қўлламоқчи бўлсангиз, шундай бўлади, — дея хулоса қилган эксперт.
Аввалроқ Россия президентининг КХДРга ташрифи доирасида Москва ва Пхеньян ўртасидаги музокаралар якунлари бўйича кенг қамровли стратегик шериклик тўғрисида Шартнома, соғлиқни сақлаш, тиббиёт таълими ва илм-фан соҳасида ҳамкорлик тўғрисидаги битим имзоланган.
Изоҳ (0)