Аҳмад Сувонқулов “Ўзсувтаъминот” акциядорлик жамияти бошқаруви раиси вазифасини бажарувчи этиб тайинланди.
Тайинловга қадар у Сурхондарё вилояти ҳокимлиги “Ягона буюртмачи хизмати” инжиниринг компанияси директори лавозимида ишлаган. Май охирларида “Дарё” манбаси Дилшод Азимов “Ўзсувтаъминот” раҳбари вазифасини бажаришдан озод этилгани тўғрисида хабар берганди.
Аҳмад Сувонқулов 1968 йилнинг 7 ноябрида Жарқўрғон туманида туғилган. 1994 йилда Тошкент давлат техника университети, 2009 йилда Тошкент молия институтини тамомлаган.
Узоқ йиллик фаолияти давомида Сурхондарё вилояти ҳокимлигида котибият мудири, вилоят ҳокимлиги “Ягона буюртмачи хизмати” инжиниринг компанияси директори, Шўрчи тумани ҳокимининг биринчи ўринбосари, Молия вазирлиги Инвестиция бошқармаси бошлиғи ўринбосари ва бошқа масъулиятли лавозимларда фаолият юритган.
2019 йилда у вилоят ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари этиб тайинланган эди.
Изоҳ (0)