“Толибон” олий раҳбари Ҳайбатуллоҳ Охундзода ундан лавозимидан кетишни сўрашса, бунга тайёрлигини айтди. Бу ҳақда хабар берди.
Охундзода Қандаҳор вилоятидаги масжидда тегишли баёнотни берган. У 23 дақиқалик маърузасида афғонларга мусулмонлик масъулиятини эслатиб, бир неча бор бирдамликка чақирган. Фуқаролар ва “Толибон” расмийлари ўртасидаги келишмовчиликлардан норозилигини айтган.
“Толибон” етакчисига кўра, уни ҳокимиятдан четлатиш бўйича бирдамлик ва келишув мавжуд бўлса, уни четлаштириш бўйича ҳар қандай қарорни қабул қилади.
“Бир кун келиб бир овоздан истеъфога чиқишимни талаб қилишса, розиман, лекин бўлиниш ва ажралишга қаршиман. Агар истеъфога чиқишим билан одамлар орасига нифоқ уруғини сепсам, улар мен ҳақимда умумий фикрга эга бўлмай, бир-бирлари билан жанжаллаша бошлайди. Мен бунга қаршиман”, — деди у.
Шунингдек, Охундзода афғонларни бирлашишга чақирди.
“Биз Аллоҳга ибодат қилиш учун яратилганмиз, пул топиш ёки дунё шарафига эга бўлиш учун эмас. Бизнинг исломий тузумимиз Яратганнинг тузумидир ва унга риоя қилишимиз лозим. Тарқоқлигингизнинг фойдаси душманга етиб боради, душман бундан фойдаланади”, — деди у.
“Толибон” раҳбари ўз нутқида Фаластин масаласига тўхталиб, Исроил устидан ғалаба қозонишни тилади. Охундзоданинг сўзларига кўра, дунёнинг қудратли давлатлари Ғазо секторида аёллар ва болаларнинг ўлдирилишини пайқамайди, лекин Афғонистонга маслаҳат бериш мумкин, деб ҳисоблайди.
“Аёллар ва болалар шаҳид бўлмоқда. Бундан кейин қандай қилиб биздан нимадир талаб қила оласиз? Фаластинликларнинг ўлдирилишига ҳамма — кофир ҳам, мусулмон ҳам кўз юмди”, — деган у.
Изоҳ (0)