Евро—2024. Германия Венгрия устидан ишончли ҳисобда ғалаба қозонди 

Футбол бўйича Европа Чемпионати А гуруҳи 2-туридан ўрин олган баҳсда Германия Венгрияга қарши майдонга тушди. 

Учрашувнинг 22-дақиқасида Жамал Мусиала ҳисобни очди. Ҳужумкор ўтган биринчи бўлим кичик ҳисоб билан якунланди.

Иккинчи бўлимда эса немисларнинг фаол ҳужумларига Венгрия вакиллари жавоб бериб турди. 67-дақиқага келиб эса Илкай Гундоган ҳисобни ишончли кўринишга олиб келди. 

Шу тариқа немислар 2:0 ҳисобида ғалаба қозониб, катта эҳтимол билан кейинги босқич масаласини ҳал қилди.

Гуруҳнинг иккинчи ўйини Шотландия ва Швейцария ўртасида кечади. Учрашув 00:00 да старт олади.

Евро—2024

2-тур

19 июнь, чоршанба

Германия – Венгрия 2:0

Голлар: 1:0 – 22 Мусиала, 2:0 – 67 Гундоган.

Германия: Нойер, Рюдигер, Та, Миттельштедт, Кроос, Гундоган (Ундав, 84), Андрих (Жан, 72), Вирц (Сане, 58), Киммих, Ҳаверц (Фюллькруг, 58), Мусиала (Фьюрих, 72).

Венгрия: Гулачи, Болла (Адам, 75), Фиола, Орбан, Дардаи, Керкез (Над, 75), Газдаг, Шаллаи, Над (Кляйнхайслер, 64), Собослаи, Шафер, Чобот, Варга.

Огоҳлантиришлар: Варга (23), Рюдигер (27), Миттельштедт (89).