Футбол бўйича Европа Чемпионатининг F гуруҳидан ўрин олган биринчи тур учрашувида Туркия—Грузия терма жамоалари 18 июнь, сешанба куни куч синашди.
Учрашувнинг 25-дақиқасида Туркия футболчиси Мерт Мюлдур ҳисобни очди. Икки дақиқа ўтиб Туркия футболчилари яна битта гол уришди, аммо ушбу гол офсайд сабаб бекор қилинди. Шундан сўнг грузияликлар ҳужумга зўр беришди. Натижада Грузия терма жамоаси 32-дақиқада ҳисобни тенглаштирди.
Иккинчи бўлим бошида турклар ташаббусни ўз қўлига олди. Учрашувнинг 65-дақиқасида “Реал Мадрид” футболчиси Арда Гюлер узоқдан ажойиб зарба йўллаб ҳисобни 2:1 кўринишига олиб келди. Шундан сўнг грузиялик футболчилар тўлиқ жамоа бўлиб олдинга ўтди, аммо натижада турклар ҳисобни ўзгартирди.
Ҳакам томонидан қўшиб берилган дақиқаларнинг сўнггида дарвозабонгача ҳужумга ўтган Грузияни турклар жазолади. Очиқ қолган дарвозага голни Карим Актюрўғлу киритди.
Шундай қилиб, Туркия терма жамоаси 3 очкони қўлга киритди.
Евро—2024
1-тур
18 июнь, сешанба
Туркия – Грузия 3:1
Голлар: 1:0 – 25 Мюлдур, 1:1 – 32 Микаутадзе, 2:1 – 65 Гюлер, 3:1 – 90+6 Актюрўғлу.
Туркия: Гюнок, Мюлдур (Челик, 85), Бардакжи, Акайдин, Айхан (Демирал, 79), Кадиўғлу, Чалханўғлу, Кекчю, Гюлер (Язижи, 79), Йилмаз, Йилдиз (Актюркўғлу, 85).
Грузия: Мамардашвили, Какабадзе, Кашия, Кверквелия (Зивзивадзе, 85), Двали, Ситаишвили (Лочошвили, 74), Кочорашвили, Чакветадзе (Давиташвили, 73), Меквабишвили (Алтунашвили, 89), Кварацхелия, Микаутадзе.
Изоҳ (0)