Ҳиндистоннинг Ғарбий Бенгалия штатида йўловчи ва юк поезди тўқнашди. Оқибатда камида 15 киши ҳалок бўлди. Бу ҳақда расмийларга таяниб, The Hindu хабар берди.
Ҳодиса 17 июнь куни маҳаллий вақт билан эрталаб соат 09:00 атрофида содир бўлган. Йўловчи поезди Рангапани станцияси яқинида юк поездига бориб урилган. Дастлаб бешта ўлим ҳолати қайд этилган, кейинчалик уларнинг сони ортган. Ҳодиса оқибатида 60 киши жароҳатланган.
Ҳиндистон темирйўл вазири Ашвини Вайшнав ўлганларнинг қариндошлари ва жароҳатланганларга тўловлар берилишини эълон қилди. Бош вазир Нарендра Моди фожиа қурбонларининг яқинларига ҳамдардлик билдирди.
Ҳиндистон дунёдаги энг йирик темирйўл тармоқларидан бирига эга ва ўтган йиллар давомида бир неча фалокатларни бошидан кечирган. Улардан энг даҳшатлиси 1981 йилда Бихар штатида юз берган. Ўшанда кўприкдан ўтаётган поезд рельсдан чиқиб кетиб, 800 нафарга яқин одам ҳалок бўлган.
Изоҳ (0)