Евро—2024. Швейцария ҳамда Испания ишончли ҳисобда ғалаба қозонди

Футбол бўйича Европа Чемпионатининг А гуруҳининг 1-турида Венгрия Швейцария билан баҳс олиб борди. 

Учрашувнинг 12-дақиқасида Квадбо Дуа ҳисобни очди. Мишел Эбишер 45-дақиқада ҳисобни 0:2 кўринишига олиб келди.

Иккинчи бўлимнинг бошида Венгрия ҳисобни қисқартирди. 66-дақиқада урилган голга Барнабаш Варга муаллифлик қилди. Қўшиб берилган дақиқаларда Брел Эмболо ҳисобни якуний—1:3 кўринишига олиб келди.

Шундай қилиб А гуруҳида Германия ва Швейцария 3 очко билан гуруҳ етакчилигини сақлаб турибди.

B гуруҳининг 1-турида Испания терма жамоаси 15 июнь куни Хорватияга қарши баҳс олиб борди. 

Ўйиннинг 29-дақиқасида Альваро Мората ҳисобни очди. Уч дақиқа ўтиб Фабиан Руис ҳисобни 2:0 кўринишига олиб келди. Бўлим якунланиш палласида Дани Карваҳал ҳисобни йириклаштирди. 

Иккинчи бўлимда жамоалар ҳар қанча уринмасин ҳисобни ўзгартира олмади. 

Шундай қилиб, Испания биринчи турда 3 очкога эга чиқиб, B гуруҳи етакчисига айланди. 

B гуруҳининг иккинчи баҳси бугун, 15 июнь куни тунда бўлиб ўтади.