Украина Миллий олимпия қўмитаси ХОҚга мактуб йўллаб, кураш бўйича мусобақаларда қатнашаётган уч нафар россиялик спортчини Париж Олимпиадасидан четлатишни талаб қилди.
Динара Кудаэва ижтимоий тармоқларда отасининг Россия-Украина уруши пайтида вафот этгани ҳақида хабар қолдирди ва унинг Россия термасидаги жамоадошлари Олга Хорошавцева ва Наталя Малишчева спортчини лайк билан қўллаб-қувватлади.
Динара Кудаэванинг отаси шу йилнинг май ойида вафот этган. Россиялик спортчи постда отасини қаҳрамон деб атаган. Украина МОҚ мактубга Кудаэванинг ижтимоий тармоқларидаги скриншотлари билан видеони илова қилди, унда спортчининг отаси ҳарбий кийимда ва қурол билан тасвирланган.
Украина, шунингдек, ўз мактубида Токио ўйинлари вице-чемпиони беларуслик Ирина Курочкинани 2023 йилда Беларусь МОҚ раҳбари Виктор Лукашенко билан бўлиб ўтган тадбирдаги иштироки муносабати билан 2024 йилги Олимпиададан четлаштиришни сўраган.
Изоҳ (0)