Илон Маск ўз компаниясидаги аёлларни жинсий алоқа учун таъқиб қилишда айблаб, судга тортилди

Миллиардер Илон Маск ўз компаниясидаги аёлларни жинсий алоқа учун таъқиб қилишда айблаб, судга тортилди. Бу ҳақда The Telegraph нашри хабар берди.

Манбада айтилишича, Маск SpaceX компаниясида фаолият юритган, ўзидан 20 ёш кичик собиқ ходим билан жинсий яқинликда бўлиб келган. Ҳозирда эса у жинсий зўравонлик айблови билан судга берилган.

Судга Илон Маск ўз ходимларини жинсий алоқа учун таъқиб қилиши борасидаги бир қанча далиллар топширилган. 2014 йилда Маскнинг заводида ишлаган ходима у билан бир ой муносабатда бўлганини айтган.

Аёл Илон Маск билан муносабатлари бузилгач, ишда муаммоларга дуч келган. Сўнгра у компанияни тарк этган. Вазифасидан кетишдан олдин Илон Маск билан собиқ иш фаолияти давомида рўй берган ҳодисаларни муҳокама қилишни тақиқловчи шартнома имзолаган.

SpaceX бош ижрочи директори 2013 йилда ҳам компаниясининг бошқа бир аёл ходимига муносабат таклиф қилган. Ундан фарзанд кўришни исташини маълум қилган. Аёл таклифни рад этгач, Маск унинг маошини оширишни тақиқлаб қўйган.

SpaceX раҳбари ҳозирча айбловларга изоҳ беришдан бош тортган. Суд текшируви давом этишини кутишини айтган.

Лос-Анжелесдаги штат судига берилган даъво аризасида даъвогарлар Илон Маскнинг Х тармоғида қолдирган бир қатор постларидан иқтибос келтирган. Уларда Илон Маск очиқчасига беҳаё мазмундаги хабар қолдиргани айтилган.