АҚШ давлат котиби Энтони Блинкеннинг Исроилни оқлаш ва ҲАМАСни келишувни бузганликда айблашга уриниши унинг мамлакатининг Ғазо секторидаги геноцидга шериклик сиёсатининг давоми ҳисобланади. Бу ҳақда Фаластиннинг ҲАМАС ҳаракати маълум қилди.
Баёнотда таъкидланишича, ҲАМАС тақдим этилган ўт очишни тўхтатиш ва маҳбусларни озод қилиш бўйича келишувга эришиш таклифларини ижобий ва масъулият билан кўриб чиққан.
ҲАМАСга кўра, БМТ Хавфсизлик кенгашининг қарори юзасидан Исроил бош вазири Биньямин Нетаньяху ва унинг ҳукумати томонидан ҳеч қандай қониқиш белгиси кузатилмаган.
Исроил Ғазода АҚШ президенти Жо Байденнинг таклифига зид равишда доимий ўт очишни тўхтатишни рад этишда давом этмоқда, — дейилади ҲАМАС баёнотида.
АҚШнинг оташкесим режаси
31 май куни АҚШ президенти Жо Байден уч босқичдан иборат янги тинчлик битими лойиҳаси шартларини эълон қилди. Биринчиси олти ҳафтага мўлжалланган бўлиб, тўлиқ ўт очишни тўхтатиш, Исроил қўшинларини Ғазонинг аҳоли пунктларидан олиб чиқиб кетиш, юзлаб фаластинлик маҳбусларни қамоқдан озод қилиш эвазига ҲАМАС томонидан гаровга олинганларни озод этишни назарда тутади.
Шунингдек, ушбу даврда томонлар музокараларни бошлашлари керак ва ўзаро келишувга эришилгунга қадар сулҳ ўз кучида қолади. Иккинчи босқич барча гаровга олинганларни, жумладан, ҳарбий хизматчиларни ҳам озод қилишни назарда тутади. Учинчи босқичда Ғазо секторини тиклаш ва ҳалок бўлган исроилликларнинг жасадларини яқинларига топшириш кўзда тутилган.
Изоҳ (0)