Бухоро шаҳар Алпомиш кўчасида жойлашган “Ф.С.П” МЧЖга қарашли қуруқ қоришма ишлаб чиқарувчи корхона ўзбошимчалик билан 72 992 метр куб табиий газдан ноқонуний фойдаланган. Бу ҳақда “Ҳудудгаз Бухоро” газ таъминоти филиали матбуот хизмати хабар берди.
Маълум қилинишича, нотўғри хатти-ҳаракати сабаб истеъмолчи 109 млн 488 минг сўм миқдорида жаримага тортилди.
Олиб борилган ўрганишлар давомида Бухоро шаҳар Саноатчилар кўчасида жойлашган “Т.т.С.” хусусий корхонасида шартнома ва лойиҳа-техник ҳужжатларидан ташқари ТПҚ 500л қозонидан фойдаланиб келинаётганлиги аниқланган.
Истеъмолчи 8846 метр куб табиий газни ноқонуний ишлатган. Бу билан эса 13 млн 269 минг сўм миқдорида зарар етказилган.
Бухоро шаҳар А.Жомий ва А.Сомий кўчалари кесишмасида жойлашган “И.Г.С” масъулияти чекланган жамиятига қарашли умумий овқатланиш биносида ҳам лойиҳа-техник ҳужжатлардан ташқари қўлбола газ жиҳозидан фойдаланилаётганлиги аниқланди. Натижада 6473 метр куб табиий газдан ноқонуний фойдаланилган ва 6 млн 138 минг сўмлик зарар етказилган.
Ҳар бир аниқланган ҳолат асосида далолатнома расмийлаштирилиб, тегишли тартибда чора кўриш мақсадида ҳуқуқ тартибот органларига тақдим қилинди.
Изоҳ (0)